М-Р АМАР ЕФ. ЈАКУПИ ИМЕНУВАН ЗА МУАЛИМ И ЗАМЕНИК-ИМАМ ВО ЏАМИЈАТА МУХАРЕМЧЕ
За време на вчерашната свеченост за хатме во џамијата Мухаремче, беше извршено и официјалното врачување на овластувањето за работа на оџата м-р Амар еф. Јакупи, кој со согласност на џематот, неговите колеги и џамискиот одбор беше именуван за муалим и заменик-имам во оваа џамија.
Амар ефенди доаѓа на оваа позиција по пензионирањето на неговиот татко, почитуваниот оџа Јусуф еф. Јакупи, кој 41 година посветено ѝ служеше на оваа џамија. Овластувањето, по кое ќе следува решение за вработување, лично го врачи Реисул-улема на ИВЗ, х. хфз. Шаќир еф. Фетахи. Во своето обраќање, Реисул-улема истакна дека Амар ефенди е високо подготвен кадар, му посака успех во свое име и изрази желба достојно да ги следи стапките на својот татко.
Топло добредојде и срдечни честитки му упати и имамот на џамијата Мухаремче, Шафи еф. Ајдини, посакувајќи му успешна работа и плодна соработка во служба на џамијата и џематот.
Биографија и академски профил на м-р Амар еф. Јакупи:
Роден на 22.08.1994 година во Тетово, Амар Јакупи го завршил основното образование во училиштето „Истикбал“ во Тетово, а средното во Медресата „Иса Бег“ во Скопје. Додипломските студии ги завршил на Универзитетот на Јордан во Аман, на насоката Исламско право и неговите основи. Неодамна успешно ги завршил и магистерските студии, со одбрана на магистерскиот труд на Факултетот за исламски студии во Приштина.
Во својата досегашна работа служел како редовен имам во Новата џамија во селото Теново, како и како привремен имам и хатиб во повеќе џамии во земјата и дијаспората, поточно во Тетово, Швајцарија и Германија. Меѓу џамиите во кои придонесувал се:
Албанската џамија „Винти“, Винтертур, Швајцарија;
Албанската џамија „Ел Бухари“, Зомборн, Германија;
Џамијата Флавил-АКФ, Швајцарија, во два наврата по три месеци;
Џамијата Дарданија, Тетово, еден месец;
Новата џамија во Дреновец, во текот на два рамазански месеци.
Муфтиството на ИВЗ во Тетово, во името на својот муфтија, д-р хфз. Селвер еф. Џемаили, и во името на сите верници, му посакува на м-р Амар еф. Јакупи здравје и понатамошни успеси во новата должност.



